&&أمــــــــــــل عمــــــــــــــــــــــــــــري&&

حكاية شاب وسيم عمره بين 22 و23 ما يعرف عن الحب شي , ولا مره بحياته
حاول انه يعرف شي عن الحب , له طلة مقبولة واللي يشوفه على طول يحبه .


سافر والله وفقه بوظيفة بس بعيد عن منطقة اهله اللي ساكن فيها , والمكان الي
توطف فيه يمشي الحال , بس زيارات البنات على المكان كثيرة .........


وبيوم جت وحده دخلت المكان هذا وشافت الولد هذا فأعجبت فيه , وأخذت رقم
المحل لانه موجود على اللوحة برا , ويوم رجعت البيت اتصلت عليه وحاولت تحتك فيه
بالكلام بس حست اسلوبه جاف شوي ولا قدرت تاخذ وتعطي معه.


وصارت كل يوم الساعه 11 مساء تتصل عليه على شان تتعرف عليه اكثر وتتكلم معاه
وهو ما يعرف ايش يقول , بس يسمع ويقول ايه .


ولا طالت الايام على الطريقة هذي , تشجع مرة وسألها انتي ايش الهدف من مكالماتك هذي ولوين تبين توصلين ؟؟؟؟


هي جاوبت على طول , لانها منتظرة السؤال هذا ... قالت : ابي اوصل لقلبك !!!
قال : طيب انا ما اعرف شي عن الحب ولا حتى اعرف اتكلم فيه ولا افهم لغته ....
قالت : انا بعلمك على ايديني واخليك فيلسوف حب .


المهم طالت المكالمه وجت ايام وراحت ايام وعلى الطريقة هذي وهي تعلم فيه وهو يستوعب بسرعه.


لين خلاااااااااااااااااص حب الولد من كل قلبه لدرجة انهه صار ما يقدر ينام بالليل من كثر التفكير فيها , وكل اصدقاه صاروا يحسون انه متغير ولا ياكل وصار يفكر كثير ويسرح كثير واحيان يخطي وينادي اصدقاه باسمها وهم ما يبون يسألونه من الاسم هذا لان من شكله مبين انه حب , وخلاص اعلى مراحل الحب وصل .


دارت الايام ومرت سنه على هذي الطريقه ....
اتصل عليها بيوم وكان مزعوج قالها انتي شفتيني وشفتي شكلي وعرفتي اسلوبي وصارلنا سنه الحين ولا شفتك ولا حتى شفت صورتك ....
قالت له : انتظر شوي لين يضبط وضعي واخليك تشوفني ..
قال لا ....لا......لا....لازم اشوفك وما راح اسكر لين توعديني متى .......


قالت : طيب الخميس الجاي راح نطلع للمكان الفلاني نتقابل هناك.... والكلام هذا كان السبت ( تخيلو الانتظار كيف راح يكون من يوم السبت الى الخميس اصعب لحظات عمره ..... كان مقضي وقته في النوم على شان الايام تمشي بسرعه )
وووووووووووووووووووووووووووووصل يوم الاربعاء , بدا يفكر كيف راح يكون شكلها....طويله....
قصيرة .... بيضاء.... سمراء ...... نحيفة ....... دبدوبة .....حلوة مثل ماهو راسمها بخياله.




كان يفكر بكل شي , واتصلت عليه يوم الخميس قالت له : يلا طالعين وسيارتنا كذا ...
وشكلها كذا ...... ولونها كذا....... ورقم اللوحة كذا ......


قال : تمام قال : اسمعي انا مقدر اصبر ابيك كل دقيقتين تشيكي على جوالي علشان اعرف انك معاي موجودة , وادري انك ما تقدري تكلميني لان اهلك معاكي صعبه , بس اقل شي شيكي كل دقيقتين ,,,,,
وكل وكل دقيقتين تجيه تشييكه على الجوال لين انقطعت التشييكات اكثر من عشر دقايق ,,,,




ما قدر يصبر ارسل رساله ولا ردت تردد بالاتصال تردد وتردد كثير ما يدري او يخاف يحرجها
مع اهلها , المهم قرر ويوم دق على جوالها مر من جنبه سيارة اسعاف متجهة بنفس الطريق اللي هو يمشي فيه , من كثر ماهو مخبوص نزل الجوال واسرع ورا سيارة الاسعاف
وخلى الجوال يدق { معاودة الاتصال آلياً } المهم وشاف حادث اكثر من مرعب منظره مخيف .



عائله كامله يمين الخط متنثرة منها اربع بنات وشايب ووحده عجوز , كلهم حالتهم واشكالهم ميؤس منهابشكل خيالي ,,,,,,,,,



السيارة هي نفس السيارة ونفس اللوحة ونفس اللون بس كيف راح يعرفها من بين البنات الاربع وهي حتى ما وصفت شكلها ,,, نزل مع اللي نزلو يشوف بقايا حلمه ......بقايا امله ....... صار يناظر يمين ويسار ولو يشوفها ما راح يعرفها !!!!!!!!!



سمع صوت جوال يرن حاول يتبع الصوت لقا وحده من البنات ما سكه الجوال ويرن بيدها وهي شبه ملطخه بالدم , وما في امل من انها تعيش الابعد اذن الله ,,, شاف اسم المتصل بجوالها لقا مكتوب { أمــــــــــــــــــــــــل عــــــــمــــــــــري } قال يمكن هذي وحده من صديقات البنت هذي , لكن بدون شعور رفع الجوال وناظر للاسم اللي هو
{ أمــــــــــــــــــــــــل عــــــــمــــــــــري } وفتح الرقم وكاااااااااااااااااااانت الصدمة انه شاف الرقم حقه , لان الجوال لقاه مع وحده كان الجمال ما انخلق لغيرها , بس للاسف فارقت الحياة , وانقلبت اسعد لحظات عمره بثواني الى اتعس ايام العمر ......




لقاه رقمه ولقا اسمه مكتوب { أمــــــــــــــــــــــــل عــــــــمــــــــــري } صدمه خلته ينهار
ويغمى عليه ونقلوه معها الى المستشفى , هي البنت انتقلت اللا رحمة الله ... بس
هو عاش , او ما عاشت الضحكة بعدها يوم .



ترك الوظيفه وتعقد من عيشته وصار يكره نغمة الجوال , ولا يتكلم مرة غير اذا كان مجبور انه يسولف , ويكره اي واحد يجيب ابجدية كلمة { حــــــب } عنده .



سافر عن المنطقة اللي كان موظف فيها , واللي تعرف على اكل عمره اللي انتها فيها , واخذ عهد على نفسه انه كا يجي المنطقة هذي الا بنفس اليوم اللي توفى فيه حلمه , وصار كل سنه بنفس اليوم يسافر للمنطقة ويمر نفس المكان ويحلس ساعه ويرجع لمنطقته..........

يسلمووووووووو خيتوووووووووووووووووو

وربي قصه مؤثره وروعه في نفس الوقت

تقبلي مروري

قصه تبكي
يسلمو ننتظر جديدك